ഇസ്ലാമിലെ ദ്വിതീയപ്രമാണമാണ് സുന്നത്ത് അഥവാ പ്രവാചകചര്യ. അന്ത്യപ്രവാചകനായ മുഹമ്മദ് നബി (സ) പ്രവാചകന് എന്ന നിലയില് നീണ്ട 23 വര്ഷക്കാലം പ്രവര്ത്തിക്കുകയും പറയുകയും അംഗീകാരം നല്കുകയും ചെയ്ത കാര്യങ്ങളാണ് സുന്നത്ത് എന്ന് പറയാം. ഹദീസ് എന്ന പേരിലാണ് ഇത് കൂടുതല് അറിയപ്പെടുന്നത്. ഖുര്ആനിക ആശയങ്ങള് വ്യക്തമാകുവാനും അതിനെ പ്രയോഗതലത്തില് വരുത്തുവാനും ഖുര്ആന് ദുര്വ്യാഖ്യാനങ്ങള് തടയുവാനും ഹദീസുകള് വളരെയധികം സഹായിക്കുന്നു. എന്നല്ല, ഹദീസ് ഇല്ലായിരുന്നുവെങ്കില് ഇസ്ലാം ആര്ക്കും തോന്നിയ പോലെ തട്ടിക്കളിക്കാന് പറ്റുന്ന പന്തുപോലെ ആവുമായിരുന്നു.
